Rilato al / kun Ĵurnalistoj

Ĝeneralaj principoj

• Konstanta daŭra kontakto - ankaŭ antaŭ renkontiĝo - havu reton da ĵurnalistoj kaj regule sendi mesaĝojn pri aranĝoj ktp. por ke ili sciu, ke ni ekzistas.
• Ne forgesu, ke personaj kontaktoj (vide aŭ telefone) multe pli efikas ol (ret)poŝtaj.

Kiel prepariĝi

• Aspekto - dependas de la celgrupo kaj kian bildon ni mem volas prezenti
  • Junuloj: iomete pli leĝere / malformale
  • Maljunuloj: konsideru kravaton / ne tiom leĝera vestaĵojn, tamen ankaŭ eble leĝere
• Bone antaŭprepariĝu al ĉioj eventualaj demandoj
  • Demandoj pri Esperanto rekte (Celo, Historio, Daŭre viva, Kulturo, lingvo mem, antaŭjuĝoj)
  • Demandoj pri la movado (Historio, ĉu vivanta, kulturo)
  • Demandoj pri persona spertoj kaj historio
  • Eventuale demandoj pri la renkontiĝo (kiam, kiom da homoj, de kie, kial ĝi okazos, programo)
  • Faru skizon de kiel vi volas ke la prezentado estu

Argumentado / Planado de la parolado

• Havu celon pri kio vi volas emfazi pri Esperanto
• Estu ĝentila kaj afabla
• Estu certa pri kio vi parolas kaj kian bildon pri Esperanto vi volas prezenti
• Ne tro insistu pri viaj punktoj
• Ne estu atakema
• Aŭskultu (kaj aŭdu) la ĵurnalistojn
• Estu pacienca eĉ kiam stultaj demandoj venos
• Ne ĉio, kion vi pensas memkomprenebla, estas memkomprenebla por eksteruloj
• Ne estu sekteca - ne tro emfazu la historion kaj esperantajn idolojn
• Ne uzu mitojn kaj malĝustajn faktojn / faktojn pri kiuj vi ne certas. Vidu ĉi-tie por pliaj informoj pri mitoj.
• Se vi ne konsentas kun demando ĉiukaze respondu al la demando, ne evitu ĝin, ĉar ĝi povas reveni (pli akra)
• Se vi bezonas tempon respondante demandon, resumu la demandon en via respondo aŭ petu ripeton de la demando