Rektaj prezentoj (prelegoj)

Lokoj

• en lernejoj/universitatoj (por prezenti E-on aŭ inviti al E-aranĝo)
• en diversaj kluboj, ĉe grupoj de homoj kun alia komuna ŝatokupo
• dum (antaŭ/post/dum paŭzoj) koncertoj, teatraĵoj aliaj publikaj prezentoj
• dum malfermoj de iuj kunorganizitaj aranĝoj
• ktp.

Oni konsideru/eksciu:

• celgrupon
  • ne insisti je IS-etoso al bazlernejanoj aŭ lingvo-studentoj
  • mencii lerno-facilecon al ne-lingvo-interesitoj, sed ne detaligi
  • paroli pri PS al vojaĝemuloj
• prezento-daŭron
  • je kiu oni disponas
  • dum kiu oni povas teni intereson de la publiko (bona prelego daŭras ĝenerale ne pli longe ol 30 min)
• tempon
  • oni ne vizitu universitaton en ekzamena periodo
  • oni ne varbu por aranĝo kiam homoj jam planis ion alian por tiu tempo, aŭ tro frue, kiam homoj povus forgesi, aŭ ankoraŭ ne povas aliĝi...
• lokon/etoson
• kialon de la prezento (ĉu oni estas invitita prezenti aŭ invitanta aŭskultantojn)
• enhavon de la prezento (ĉu oni prezentas Esperanton, aŭ E-organizojn, aŭ konkretan E-aranĝon)

JES:

• laŭeble bone antaŭpreparu strukturon de la prezento kaj montro-materialojn; ankaŭ prezentu ĝin en la komenco/dum la prezento
• se eblas, provludu
• strebu prezenti nemultajn, konkretajn, facile komopreneblajn kaj memorindaj aferojn, kiuj lasos pozitivan impreson kaj plaĉajn sentojn pri E-o ĉe ĉeestantoj (uzu simplajn frazojn)
• ripetu la plej gravajn punktojn
• montrante diversajn flankojn de E-realeco, atentu ne miksi diversajn aferoj, strebu finparoli pri unu, antaŭ ol eki pri la sekva
• certigu ke homoj scias kie poste mem trovi pliajn informojn, kiun kontakti...
• prefere ofertu ion kunporteblan - informileton kun ret-adreso k.s.
• invitu lokajn ĵurnalistojn al la prezento
• ludigu laŭeble iun muzikon
• faru etajn paŭzojn se la prelego estas pli longa ol 30-40 min

NE:

• provu diri ĉion, superŝuti homojn per informoj
• parolu tro longe senitrerompe
• promesu ke io okazos post la prezento (E-kurso, festivalo, plia vizito), kaj poste ne realigi tion